DXX va Ichki ishlar organlari xodimlari tomonidan  Jizzax shahrining Turon mahallasida yashovchi fuqaroning norasmiy diniy faoliyat bilan shuningdek, turli xil diniy duolar bilan ishlarini yaxshilash, odamlarni sehr-jodu qilish bilan shug‘ullanganlik holati aniqlandi.

Tezkor tadbir o‘tkazilgan vaqtning o‘zida uning uyi xolislar ishtirokida tekshirilganda, xonadoniga 12 kishi mijoz sifatida kelib, navbat kutib turgani ma’lum bo‘lgan. Xonalardan esa fuqarolarning ism-sharifi yozilgan 5 ta "ish daftari" topilgan. Daftarlarda 100 dan ortiq kishilarning foto-curatlari bo‘lgan, shuningdek, so‘ragan niyatlari qayd etib borilgan. 

Qayd etilishicha, mazkur daftarlarda turli so‘rovlar, jumladan, deputat bo‘lish, hokim bo‘lish, qaynonasini “jim qilish”, o‘zganing turmush o‘rtog‘ini o‘ziga qaratish kabi istaklari bildirilgan.

Bundan tashqari, uydan nashriyoti ko‘rsatilmagan diniy mazmundagi 5 ta kitob, 1 ta ot qamchisi, 9 dona osh pichog‘i, 1 dona poliyetilen paket ichida bo‘lgan tuz, bug‘doy, isiriq va 110 ming so‘m pul topilgan. 
Shuningdek, u vakolati bo‘lmasa-da, fuqarolarga diniy saboq berib kelgani aniqlangan. 

Holat yuzasidan MJtKning 201-moddasi (yig‘ilishlar, mitinglar, ko‘cha yurishlari yoki namoyishlar uyushtirish, o‘tkazish tartibini buzish) 2-qismi hamda 241-moddasi (diniy ta’limotdan saboq berish tartibini buzish) bilan ma’muriy bayonnoma rasmiylashtirilib, to‘plangan hujjatlar Jinoyat ishlari bo‘yicha Jizzax shahar sudiga yuborilgan. 

Sud unga 10 sutka ma’muriy qamoq jazosini tayinlagan.

• DXX
• IIV
• Jinoyat
• Jizzax