Ozarbayjon Fanlar akademiyasi Kaspiy dengizining taqdirini bashorat qildi.

Kaspiy dengizining katta qismi qurib qolgan, u ham Orol kabi cho‘lga aylanishi mumkin. Bu haqida Ozarbayjon Milliy fanlar akademiyasi akademigi Faxreddin Gadirov ma’lum qildi.

Uning so‘zlariga ko‘ra, bundan 100 yil avval Kaspiy dengizidagi suv sathi hozirgidan ikki metrga baland bo‘lgan. 2005-yildan beri u har yili 10 santimetrga pasaymoqda.

“Agar, Kaspiy suv sathining pasayishi yana 25-30 yil davom etsa, uning shimoli-sharqiy qismi 2009-yilning yozida janubiy qismi qurib qolgan Orol dengizi taqdiriga duch kelishi mumkin”, – deydi u.

Ma’lumot uchun, 1960-yildan 2009-yilgacha Orol dengizi maydoni qariyb o‘n baravarga, ya’ni 67 499 kvadrat kilometrdan 6 700 kvadrat kilometrgacha qisqargan. Hozirgi kunga kelib esa cho‘lga aylangan.

• Ozarbayjon
• ilm-fan
• tadqiqot