Yosh tadbirkor va bloger, Kardashyanlar oilasining kenja vakilasi Kayli Jenner Instagram ijtimoiy tarmogʻida obunachilari soni 300 million kishidan oshgan birinchi ayolga aylandi. Shu tariqa Kayli Jenner Instagram'dagi eng mashhur ayol nomiga ega chiqqan.
Kayli Istagram'ning eng mashhur yulduzlari reytingida ikkinchi oʻrinni egallab turibdi va bu borada faqatgina futbolchi Krishtianu Ronaldudan ortda qolmoqda. Ayni vaqtda Ronalduning obunachilari soni 388 million kishiga teng.
Shuni ham taʼkidlash kerakki, Kayli Jenner oxirgi ikki oy ichida oʻz sahifasiga yangi surat joylashtirmagan. Bu uning sevgan yori, reper Trevis Skott chiqish qilgan konsertdagi fojia oqibatida 10 kishining halok boʻlgani bilan bogʻliq ekanligi aytilgan.
Maʼlumot uchun, Kayli Jenner Kardashyanlar oilasining kenja vakilasi. U modellik hamda tadbirkorlik faoliyati bilan shugʻullanadi, kosmetika vositalarini ishlab chiqaruvchi “Kylie Cosmetics” kompaniyasiga asos solgan. Tadbirkor 1997-yilda dunyoga kelgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!