Aktrisa Sitora Farmonova o‘zining Instagram sahifasida muxlislaridan biri o‘zi va oila a’zolariga tahdid qilganini ma’lum qildi.
“Opangni menga bermasalaring, uni o‘ldirib, eshigingizga osib ketaman, kafanligini tayyorlab qo‘yaveringlar”, deb tahdid qilgan muxlis.

Sitora Farmonova ham unga munosib javob qaytargan.
“Ko‘rpangga qarab oyoq uzat, borib o‘zingni tengingni top”, degan aktrisa.
Ma’lum bo‘lishicha, erkak muqaddam Rossiyada ishlagan, ammo deportatsiya bo‘lgach O‘zbekistonga qaytgan. Hamda spirtli ichimliklarga ruju qo‘ygan. Uning do‘stlaridan biri Sitora Farmonovaga uylanishni maslahat beradi va shu orqali boyib ketishi mumkinligini uqtirgan. Erkakning onasi aktrisa bilan bog‘lanib, o‘g‘lining ruhiy kasal ekanini va bu ishga uning do‘sti undaganini aytib, farzandining harakatlari uchun uzr so‘ragan. Hozirda Sitora Farmonova bu bo‘yicha tegishli organlarga murojaat qilgan.

• Shou-biznes