Shimoliy Koreya yetakchisi Kim Chen In urushning oldini olish uchun Pxenyan istalgan vaqtda yadro qurolidan foydalanishga tayyor bo‘lishi kerakligini ta’kidladi. Bu haqda Shimoliy Koreya markaziy axborot agentligiga tayanib, “Reuters” nashri xabar bermoqda.
Qayd etilishicha, davlat rahbari AQSH va Janubiy Koreyani nazarda tutgan, u qo‘shma mashg‘ulotlar ko‘lamini oshirishni talab qilmoqda.
Kim Chen Inning bayonoti navbatdagi ballistik raketa uchirilishi fonida aytildi. Pxenyan buni Vashington va Seulga qattiq ogohlantirishlar berishga mo‘ljallangan taktik mashg‘ulot sifatida baholagan.
Avvalroq Janubiy Koreya bosh vaziri Xan Dok Su Shimoliy Koreya bilan kelajakda mojaro yuzaga kelishi ehtimolini baholadi. U hodisalarning bunday rivojlanish ehtimolini juda kichik deb atagandi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!