KXDR rahbari Kim Chen In payshanba kuni dron sinovlarini kuzatgan.

U ularning xususiyatlaridan mamnunligini bildirgan va imkon qadar tezroq ommaviy ishlab chiqarishni boshlashni buyurgan. “Ularni ishlab chiqarish uchun kichik xarajatlar va murakkab bo‘lmagan ishlab chiqarish jarayoni ularni yangi makonda zarba kuchlarining bir qismi sifatida ishlatishni osonlashtiradi. Ehtimol, dunyodagi barcha harbiy idoralar dronlar katta va kichik mojarolarda aniq yutuqlarga erishayotganini tan olishadi”, – degan Kim Chen In.

“Dronlardan foydalanish “harbiy sohada zarur talab”ga aylandi” – deya qo‘shimcha qilgan u.

Shu bilan birga, KXDR rahbari uning mamlakati uchuvchisiz transport vositalarini ishlab chiqarish va joriy etish imkoniyatiga ega ekanligini ta’kidlagan. Kim Chen Inning qo‘shimcha qilishicha, so‘nggi paytlarda Koreya mehnat partiyasi uchuvchisiz qurol tizimlarining operatsion rejalar bilan mukammal uyg‘unligiga katta ahamiyat bermoqda.

• KXDR
• Kim Chen In
• dron