Gaagada bo‘lib o‘tgan alyans sammiti chog‘ida Germaniya kansleri Fridrix Mers Donald Trampga “Ukrainadagi vaziyat nuqtayi nazaridan AQSh ham Rossiyaga qarshi yangi sanksiyalarga qo‘shilishi zarurligi yuzasidan qat’iy iltimos” bilan murojaat qildi.

“Bu mojaroning harbiy yechimi yo‘q. Biz Moskvaga iqtisodiy bosimni kuchaytirishimiz kerak”, — degan Fridrix Mers.

Uning aytishicha, Yevropa Ittifoqi Rossiyaga qarshi 18-paket sanksiyalarni 26-iyun kuni yakuniy tarzda tasdiqlaydi, ammo bu yetarli emas va Qo‘shma Shtatlarning faol ishtiroki zarur, chunki faqat Vashington Rossiya neft va gazini sotib olayotgan Xitoy va Hindiston kabi davlatlarga sanksiyalar joriy qila oladi.

“Rossiya butun NATOga hujum qilish uchun yetarlicha kuchli emas, lekin u bir kun kelib bizning mudofaa qobiliyatimizni sinab ko‘rishga urinib ko‘rmasligiga kafolat yo‘q. Hech kim va hech qachon alyansga hujum qilishga jur’at qilmasligi shart!”, — deya ta’kidlagan Germaniya kansleri.

• Gaaga
• Germaniya
• NATO
• Yevropa Ittifoqi