AQSh prezidenti bu haqda o‘zining Truth Social ijtimoiy tarmog‘ida yozib qoldirdi.

“Men hozirgina Netanyaxuni sudga chaqirishgani haqida eshitdim. U bu dahshatli “shou”ni 2020-yilning mayidan beri boshidan kechirmoqda – bu misli ko‘rilmagan holat! Bu ishlar sigaralar va yana boshqa ko‘plab adolatsiz ayblovlarga taalluqlidir. Sud darhol bekor qilinishi yoki Netanyaxu afv qilinishi lozim! Menimcha, hech kim bilan Netanyaxu kabi uyg‘unlikda ishlamaganman. AQSh qanday qilib Isroilni qutqargan bo‘lsa, endi Netanyaxuni ham qutqaradi”, — deb yozdi Donald Tramp.

Ushbu chaqiriqqa nisbatan Isroil muxolifati yetakchisi Yair Lapid quyidagicha javob qaytardi: “Tramp bizning ichki huquqiy va sud ishlarimizga aralashmagani ma’qul”.

Ma’lumot uchun, 2016-yil dekabrida Netanyaxuga qarshi korrupsiya, shaxsiy va hukumat manfaatlarini suiiste’mol qilish kabi bir necha ayblovlar bilan bog‘liq jinoiy ishlar qo‘zg‘atilgan. 2020-yilning may oyida bu ishlar bo‘yicha sud jarayoni boshlangan.

• Binyamin Netanyaxu
• Isroil
• Tramp
• norozilik