Qahva haqli ravishda dunyodagi eng mashhur ichimliklardan biri hisoblanadi. Tonik xususiyatlaridan tashqari, u bir qator sog‘liq uchun foydali xususiyatlarga ega. Biroq, baʼzi odamlar uchun uning xavfli tomonlari ham bor. Umumiy amaliyot shifokori Aislu Karimova shu haqda ma’lumot berdi.

Qahvaning maksimal kundalik normasi 400 milligrammdan oshmasligi lozim. O‘rtacha bu uch-besh stakanga to‘g‘ri keladi, dedi mutaxassis.

Bu norma qahva xilma-xilligi, ularni tayyorlash usuli, hatto ichimlikni sut yoki suv bilan suyultirish tarkibiga qarab farqlanadi. Bu norma faqat haqiqiy va tabiiy qahva donachalaridan tayyorlangan qahva uchundir.

Kattalar uchun bir soat ichida 100-200 milligrammdan ko‘p bo‘lmagan kofein isteʼmol qilish tavsiya etiladi. Kundalik norma 400 milligrammdan oshmasligi kerak.

Bundan tashqari, shaxsiy dozangizni aniqlashda siz tananing individual xususiyatlariga tayanishingiz kerak. "Gipertoniya bilan og‘rigan bemorlarga ko‘p miqdorda qahva ichish tavsiya etilmaydi, chunki bu qon tomirlarining spazmini keltirib chiqaradi", - deya ogohlantirdi shifokor.

Homilador va emizikli onalar bu issiq ichimlik bilan ayniqsa ehtiyot bo‘lishlari kerak. Buning sababi, kofein chaqaloqqa ularning tanasi orqali etib boradi.

Biroq, qahva past qon bosimi bo‘lgan odamlarga foyda keltiradi.

Italiyalik olimlar tabiiy qahva Parkinson va Altsgeymer kasalliklarini rivojlanish xavfini kamaytirishini aniqlashgan edi. Lekin bunda ham me’yor mavjud.

• Shifokor
• Tibbiyot