Kollej va texnikumlarda toʻlov-kontrakt miqdorlari oshirilmaydi. Bu haqda Oliy va o‘rta-maxsus ta’lim vazirligi ma’lum qildi.

Qayd etilishicha, professional taʼlim muassasalarida tahsil olayotgan oʻquvchilarga qulay sharoitlar yaratish, yoshlar kasb-hunar egallashi uchun imkoniyatlarni kengaytirish, ularning ota-onalarini ijtimoiy qoʻllab-quvvatlash maqsadida aholi toʻlov qobiliyatini inobatga olgan holda, kollej va texnikumlarda 2022/2023-oʻquv yili uchun barcha bosqichdagi oʻquvchilarni toʻlov-kontrakt asosida oʻqitish qiymati miqdorlari saqlab qolinadi.

Ma’lumotlarga ko‘ra, joriy yil kollej va texnikumlarga kunduzgi ta’lim shakli bo‘yicha 15 815 nafar o‘quvchi davlat granti asosida qabul qilingan.

Shuningdek, professional taʼlim muassasalariga ota-ona qaramogʻidan mahrum boʻlgan oʻquvchilar hamda ijtimoiy himoyaga muhtoj oila farzandlari belgilangan tartibda qabul parametrlaridan tashqari qoʻshimcha davlat granti asosida qabul qilinadi.

• Kollej
• Kontrakt
• Texnikum