Ijtimoiy tarmoqlarda Respublika tez tibbiy yordam markazi Andijon filialining kadrlar bo‘limi inspektori J.M. pora olayotgan vaqtda qo‘lga olingani haqida xabarlar tarqaldi. Sog‘liqni saqlash vazirligi matbuot xizmati holat bo‘yicha rasmiy ma’lumot berdi.
Qayd etilishicha, mazkur holat vazirlik tomonidan o‘rganilganda, J.M. 2022-yil 25-dekabr sanasidan Respublika tez tibbiy yordam markazi Andijon hududiy filialining kadrlar bo‘limida inspektor sifatida ish boshlaganligi aniqlangan.
U joriy yil 7-yanvar kuni soat 13:00 lar atrofida Andijon shahrining Soy mahallasi hududidagi dorixona oldida fuqaroni ishga olib kirib qo‘yish evaziga undan 400 AQSh dollarini olayotgan paytda huquq-tartibot organlari xodimlari tomonidan qo‘lga olingan.
“Vazirlik tomonidan ushbu holat o‘rganilib, e’tiborsizligi oqibatida korrupsiyaviy holat sodir etilishiga sharoit yaratib berganligi, muassasa xodimlari o‘rtasida yetarlicha tushuntirish ishlarini olib bormaganligi uchun Respublika tez tibbiy yordam markazi Andijon filiali direktori I. A. va kadrlar bo‘limi boshlig‘i E.X. egallab turgan lavozimidan ozod etildi”,– deyiladi xabarda.
Hozir mazkur voqea yuzasidan dastlabki tergov harakatlari olib borilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!