31°
Kechasi 15°
Bu haqda “Sevimli” telekanalining “Zamon” informatsion dasturida ma’lum qilindi.
Samarqand viloyatining Kattaqo‘rg‘on tumani, “Qo‘shtepa” MFYda joylashgan avtomobillarga yoqilg‘i quyish shoxobchasida portlash va yong‘in 7-may kuni sodir bo‘lgandi. Hodisa AYQShning hovlisida “ZIL” avtomashinasiga yoqilg‘i quyish vaqtida yuz bergan. Oqibatda 2 nafar fuqaro halok bo‘lgan, yana bir kishi tan jarohati bilan tibbiyot birlashmasiga yotqizilgan edi.
Informatsion dasturda xabar qilinishicha, shifoxonaga yotqizilgan shaxs 9-may kuni vafot etgan. Vafot etgan uch kishi shoxobcha rahbari, operator va “ZIL” haydovchisi bo‘lgan.
Samarqand viloyati IIB matbuot kotibi Hamidullo Sagdullayevning ma’lum qilishicha, holat yuzasidan Jinoyat kodeksining 259-moddasi (yong‘in xavfsizligi qoidalarini buzish) ikkinchi qismi bilan jinoyat ishi qo‘zg‘atilgan bo‘lib, dastlabki tergov harakatlari olib borilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
