Erida karlik sayyorasi 2005-yilning 5-yanvar kuni amerikalik astronomlar Maykl Braun, Devid Rabinovis va Chedvik Truxilyo tomonidan kashf etilgan. Bu haqidagi rasmiy bayonot 2005 yilning 29 iyul sanasida eʼlon qilingan.

-  Erida karlik sayyoralar (aniqrogʻi, ushbu maqomga ega boʻlgan kichik sayyoralar) orasidagi Quyoshdan eng uzoq joylashgan obyekt hisoblanadi. Undan uzoq masofada ham karlik sayyora maqomini olishi mumkin boʻlgan samoviy jismlar yetarlicha, ularga ham tez orada rasmiy maqom berilsa ajab emas.

-  Erida 2006-yilga qadar Quyosh tizimidagi oʻninchi sayyora maqomini olishga daʼvogarlik qilgan. Ammo, Pluton sayyoralar safidan chiqarilgach, Erida ham ushbu imkoniyatdan mahrum boʻlgan.

-  Erida oʻlcham jihatidan Plutondan birozgina ortda qoladi xolos, uning diametri Plutonga nisbatan 50 kilometrga kichikroq. Shunga qaramasdan, karlik sayyoralar ichidagi eng ogʻiri Erida hisoblanadi.

-  Eridaning diametri 2326 kilometrga teng. Uning oʻlchami Quyoshga eng yaqin joylashgan karlik sayyora – Sereraning diametridan 2,5 martaga kattaroqdir.

-  Eridada mavsumlar almashinuvi tushunchasi bor yoki yoʻqligi haligacha aniqlanmagan.

-  Ushbu mitti sayyoradagi bir kun 25 soat-u 54 daqiqaga teng keladi.

-  Erida mitti sayyorasidagi oʻrtacha harorat -253 darajani tashkil qiladi. U Quyoshga yaqinlashgan vaqtda biroz isiydi, ammo shunda ham sayyora yuzasidagi harorat -230 darajadan oshmaydi.

-  Ayni vaqtda Erida karlik sayyorasida atmosfera mavjud emas. U Quyoshga yaqinlashgan vaqtda Erida yuzasidagi muz qatlami bugʻ koʻrinishiga kiradi, Quyoshdan uzoqlasha boshlashi bilan bugʻ qaytadan muz koʻrinishini oladi.

-  Eridaning yuzasi qor bilan qoplangan, shu tufayli qor yorugʻlikning 96 foizini ortga qaytaradi. Shuni ham alohida taʼkidlash kerakki, ushbu sayyoradagi qor suvdan emas, muzlagan metandan iborat.

-  Mitti sayyoraga qadimgi yunon ilohi sharafiga Erida deb nom berilgan. Uning yoʻldoshi esa Disnomiy deb ataladi. Disnomiy qadimgi yunon mifologiyasida Eridaning qizi boʻlgan.

-  Karlik sayyora endigina kashf etilgan vaqtlarda 2003 UB deb atalgan.

-  Erida kashf etilganidan keyin astronomlar arxiv suratlarni koʻzdan kechirib, Eridani avval olingan suratlarda ham koʻrishgan. Maʼlum boʻlishicha, olimlar uni 1954-yildayoq oʻzlari bilmagan holatda kashf etishgan, ammo uning qanday samoviy jism ekanligini tushunib yetishmagan.

• Koinot
• Tarix
• qiziqarli