O‘zbekistonda 8 dekabrdan “Lacetti” va “Cobalt” uchun shartnoma berish to‘xtatildi. “UzAutosavdo” ilovasi va maxsus botda “Lacetti” va “Cobalt” kontraktasiyasi imkonsiz, ya’ni mazkur rusumdagi avtomobillarga to‘lov uchun shartnoma berish to‘xtatilgan.

Telegram ijtimoiy tarmog‘idagi “@UzAvtoSavdo_bot” xizmati orqali holatni tekshirganimizda yangi ishlab chiqarilgan “Onix” sedani (11 658 ta navbat), eng ko‘p talabga ega “Damas” (80 007 ta navbat), “Tahoe-2” (14 ta navbat) “Traverse” (29 ta navbat), “Tracker-2” (14 651 ta navbat), “Equinox” (25 dona sotuvda) va “Malibu-2” (28 dona sotuvda) avtomobillari uchun shartnoma tuzish mumkin ekani oydinlashdi.

Bu haqda iqtisodchi Otabek Bakirov o‘z Telegram kanalida bu haqda o‘z mulohazalarini bildirgan:

“Hozirda o‘zbekistonlik sho‘rpeshonalar uchun eng arzoni 152 million so‘m bo‘lgan va bir yil kutish talab qilinadigan “Onix” sedanigina yagona tanlov bo‘lib qolgan.

Monopollashtirilgan avtomobil bozori bilan bog‘liq vaziyat o‘tgan epoxadan ham ko‘ra yomonlashgan. Hukumat monopolist erkatoyini qo‘llab quvvatlashda davom etmoqda”, – deyiladi postda.

Qayd etish mumkin, avvalroq ishlab chiqarishdan olingani sababli “Nexia-3” va “Spark” avtomobillarining kontraktasiyasi to‘xtatilgan.

• Avtomobil
• Avtomobil uchun shartnoma
• Lacetti
• UzAuto