U Italiyaga qarshi bahsni zahira o‘rindig‘ida o‘tkazdi.

Trent Aleksander-Arnold Angliya terma jamoasining Germaniyaga qarshi o‘yinda qaydnomasiga kiritilmadi.

Shu tariqa, “Liverpul”ning o‘ng qanot himoyachisi Angliya terma jamoasi bilan qatorasiga ikkinchi o‘yinni o‘tkazib yuboradi. Trent Italiya bilan o‘yinni zaxirada o‘tkazdi.

Shuningdek, Germaniya bilan o‘yinda inglizlar safida “Milan”ning markaziy himoyachisi Fikayo Tomori, “Vest Xem” vingeri Jerrod Bouen va “Sautgempton” yarim himoyachisi Jeyms Uord-Prouz ham yo‘q edi.

“Brentford” hujumchisi Ivan Tauni Angliya terma jamoasining Millatlar ligasi finalida Germaniyaga qarshi o‘yinda ishtirok etadigan tarkibiga kiritildi. U birinchi marta Angliya terma jamoasiga chaqirilgan ddi - bungacha u hatto Angliya yoshlar terma jamoalarida ham o‘ynamagandi.

Eslatib o‘tamiz, Germaniya bilan o‘yin Angliya uchun turnir ahamiyatiga ega emas. Millatlar ligasining oldingi turida Italiyaga mag‘lub bo‘lgan Garet Sautgeyt jamoasi muddatidan avval B ligasiga tushib ketdi.

Angliya - Germaniya uchrashuvi Toshkent vaqti bilan 23:45da boshlanadi.

• Angliya
• Futbol
• Germaniya
• Liverpul
• Yevropa Millatlar Ligasi