O‘rta vazn toifasidagi o‘zbekistonlik aralash yakkakurash ustasi, sobiq UFC jangchisi Mahmud Muradovning navbatdagi jangi bo‘yicha tafsilotlar ma’lum bo‘ldi.

34 yoshli jangchi professional faoliyatidagi navbatdagi jangini 8-mart kuni Germaniyaning Shtutgart shahrida joylashgan “Hanns-Martin-Schleyer-Halle” majmuasida tashkil etiladigan Oktagon 68 turnirida o‘tkazadi. Unga oktagonda braziliyalik Joilton Lutterbach raqiblik qiladi. Ushbu jang 3 raundga mo‘ljallangan.

Shuningdek, oqshomning markaziy bahsida og‘ir vazn toifasida vakant bo‘lib turgan Oktagon chempionlik kamari uchun bolgariyalik Lazar Todev va Irlandiya vakili Uill Flyori jang qiladi.

Ma’lumot uchun, Mahmud Muradov o‘zining professional MMA faoliyati davomida 35 ta jang o‘tkazib, 27 ta g‘alaba va 8 ta mag‘lubiyat qayd etgan. Uning raqibi Lutterbach (32 yosh) hisobida esa 39 g‘alaba va 10 ta mag‘lubiyat mavjud.

• MMA
• Mahmud Muradov