Toshkent shahrining “Malika” savdo majmuasidagi do‘konlardan 5,8 mlrd so‘mlik mahsulot olib, pullarni qaytarmagan yigit 8 yilga qamaldi. Sud majlisi 2025-yilning 30-yanvar kuni Toshkent shahar jinoyat ishlari bo‘yicha Shayxontohur tuman sudida bo‘lib o‘tgan.
“Daryo” tanishgan sud hukmiga ko‘ra, 2002-yilda Toshkent shahrida tug‘ilgan S.U. 2024-yilning iyul-avgust oylarida 11 nafar sotuvchidan qiymati 5 mlrd 800 mln so‘mdan ortiq bo‘lgan 300 dan ortiq iPhone va Samsung telefonlarini muddatli to‘lov asosida bo‘lib to‘lash sharti bilan olgan.
U mazkur telefonlarni o‘zi topgan mijozlarga sotib yuborgan. Pullarni esa ehtiyojlari uchun ishlatgan.
Sudda S.U. aybiga to‘liq iqror bo‘lib, yetkazilgan moddiy zararlarni qoplash uchun imkoniyati yo‘qligi uchun yengillik so‘ragan.
Sud uni Jinoiy javobgarlik to‘g‘risidagi kodeksning 168-moddasi (firibgarlik) 4-qismi “a” bandi bilan aybli deb topgan va unga 8 yil muddatga ozodlikdan mahrum qilish jazosi tayinlagan.
Shuningdek, S.U. dan 5 mlrd 800 mln so‘mdan ortiq miqdorda yetkazilgan zarar undirilishi belgilangan.
43°
Kechasi 27°
