“Manchester Siti” bir kalendar yilidagi eng koʻp gʻalaba qozonish boʻyicha oʻz rekordini yangiladi.

Kecha, 26-dekabr kuni Angliya premyer-ligasining 19-turi doirasida “Manchester Siti” oʻz maydonida “Lester Siti”ni qabul qildi. MAzkur bahsda mezbonlar 6:3 hisobida zafar quchishdi. Oʻz navbatida bu natija Pep Gvardiola jamoasi uchun Premyer-ligada bir kalendar yilidagi 35-gʻalaba boʻldi.

Eslatib oʻtish mumkin, “Manchester Siti” Angliya chempionatining 18-turi doirasida “Nyukasl”ni magʻlub etgan edi (4:0). Bu gʻalaba Gvardiola uchun 2021-yilda APLdagi 34-gʻalaba boʻldi.

Angliya futbol divizionida bir kalendar yilidagi gʻalabalar soni boʻyicha “Manchester Siti” 1982-yilda 33 ta gʻalaba bilan “Liverpul”dan oʻzib ketgan edi. “Lester”ga qarshi oʻyinda esa “shaharliklar” oʻz rekordini yangiladi.

• Futbol
• Xorij