31°
Kechasi 18°
Britaniyalik afsonaviy musiqachi va bastakor, “The Beatles” guruhi asoschilaridan biri boʻlmish Pol Makkartni “Iʼve Got A Feeling” qoʻshigʻini marhum xonanda Jon Lennonning virtual qiyofadoshi bilan birgalikda ijro etdi. Oʻziga xos chiqish Glastonberi musiqa festivali uchun tashkil etilgan.
Lennon sahnadagi ulkan ekran orqali “koʻrinish bergan”. Makkartnining aytishicha, virtual duet gʻoyasi rejissyor Piter Jeksonga tegishli. Jekson oʻtgan yili “The Beatles” guruhiga tegishli boʻlgan videoqaydlar asosida 3 qismdan iborat boʻlgan hujjatli film suratga olgan va unga “Get Back” deb nom bergan.
“Bilaman, bu virtual qiyofa, ammo bu Jon. Biz yana birgamiz”, dedi Makkartni sahnadan turib muxlislarga qarata.
Pol Makkartnining festivaldagi chiqishi 2 soat-u 50 daqiqa davom etgan. Ijodkor umumiy hisobga 36 ta kuylagan.
Eslatib oʻtamiz, “The Beatles” guruhi asoschilaridan biri boʻlgan Jon Lennon 1980-yilning 8-dekabr kuni muxlisi tomonidan oʻldirilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
