O‘zbekistonda 200 ming so‘mlik kupyuralarni ishlab chiqarish rejalashtirilmoqda.
Bu haqida payshanba kungi matbuot anjumanida Markaziy bank boshqaruv raisi Mamarizo Nurmuratov ma’lum qildi.

“Pul-kredit muomalasini tashkil qilishda ma’lum bir qonuniyatlar bor. Bu qonuniyatlarga ko‘ra, mamlakatda shakllangan o‘rtacha ish haqidan kelib chiqib, banklarning banknoti strukturasi belgilanadi”, deydi Markaziy bank raisi.

Ta’kidlanishicha, 2024-yilga borib mamlakatda 200 ming so‘mlik kupyuralar muomlaga chiqarilishi ko‘zda tutilgan.

“Biz 200 ming so‘mlik pulni chiqarishni rejalashtirganmiz, bu bilan birgalikda muomaladagi naqd pulni optimallashtirishni amalga oshirmoqchimiz. Bizda jon boshiga naqt pullar 2017-yilda 489 dona pul belgisi bo‘lardi. Bugungi kunga kelib bu ikki martaga tushdi.
Maqsadimiz banknotalar strukturasini o‘zgartirib borib, naqt pulni odamlar uchun qulay to‘lov vositasiga aylantirib borish”, – deydi Mamarizo Nurmuratov.

• Markaziy bank