37°
Kechasi 24°
Klublar o‘rtasidagi Jahon chempionati 1/8 final bosqichida “Manchester Siti” va “Al-Hilol” jamoalari o‘rtasida o‘yin bo‘lib o‘tdi. Gollarga boy va murosasiz kechgan bahsda Saudiya Arabistonining “Al-Hilol” jamoasi qo‘shimcha bo‘limlarda “shaharliklar”ni 4:3 hisobida mag‘lub etib, chorak final yo‘llanmasini qo‘lga kiritdi. Uchrashuvda dastlab Bernardu Silva hisobni hisobni ochgan bo‘lsa, Markus Leonardo va Malkomning gollari evaziga Saudiya jamoasi oldinga chiqib oldi.
Uchrashuvning 55-daqiqasida Erling Holand katta sahnaga chiqdi va hisobni tenglashtirdi. Asosiy vaqt 2:2 hisobida yakunlandi.
Qo‘shimcha bo‘lim boshida “Al-Hilol” himoyachi Kalidu Kulibalining bosh bilan kiritgan goli evaziga yana hisobda oldinga chiqib oldi. 104-daqiqada Fil Foden hisobni uchinchi bor tenglashtirdi. Ko‘p o‘tmay, Markus Leonardo yana gol urib, “Al-Hilol”ni uchinchi bor hisobda oldinga chiqib olishiga zamin yaratdi. Ushbu gol bahs yakunigacha saqlanib qoldi va “Manchester Siti” kutilmaganda musobaqani erta yakunladi.
Angliya jamoasining o‘zbekistonlik himoyachisi Abduqodir Husanov zaxirada qoldirildi.
Klublar o‘rtasidagi jahon chempionatining pley-offidan o‘rin olgan yana bir uchrashuvda “Inter” – “Fluminense” bilan to‘qnash keldi. Kutilmaganda “Inter” Braziliya klubiga 0:2 hisobida imkoniyatni boy berib qo‘ydi. Dastlab uchrashuvning ilk daqiqasidayoq braziliyaliklar hisobni ochishga muvaffaq bo‘ldi. Keyin hujumlarga zo‘r bergan Italiya jamoasi so‘nggi daqiqalarda (90+5 daqiqa) yana gol o‘tkazib, alamli mag‘lubiyatga uchradi. Endi chorak finalda “Fluminense” - “Al-Hilol” qarama-qarshiligiga guvoh bo‘lamiz.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
