Milliy aeronavtika va va koinot agentligi – NASA “Mars Reconnaissance Orbiter” kosmik kemasiga o‘rnatilgan “HiRise” kamerasidan olingan noyob suratlarni taqdim etdi.

Qayd etilishicha, ular 2022-yil 22-noyabrda olingan, biroq tasvirlar endigina Yerga yetib kelgan. Kadrlar qurilma Mars sathidan 300 km balandlikda uchganida olingan (kamera o‘lchamlari har bir piksel uchun 25 sm).

Rasmlarda deyarli mukammal yarim sharlar ko‘rinishidagi qora Mars qumtepalari aks etganini ko‘rish mumkin. Bu qumli tepaliklar bo‘lib, shamol ta’sirida Mars yuzasida yiliga 1 metr tezlikda harakatlanadi (687 Yer kuni). Odatda Qizil sayyoradagi qumtepalar tartibsiz shaklga ega. Ushbu tasvir orqali bir necha yil oldin ular qanday ko‘rinishga ega bo‘lganini ko‘rish mumkin:

Endi qumlar bir oz pastga egilgan tekis yarim sharlar shaklida to‘plangan. Bu tepaliklar hozir janubga siljiganidan dalolat beradi. Har bir tepalikning diametri 236 kilometrni tashkil qiladi.

Eslatib o‘tish mumkin, “Mars Reconnaissance Orbiter” 2006-yildan beri “Qizil sayyora” sirtini suratga olish bilan mashg‘ul bo‘lgan kosmik kemadir. MRO missiyasi rasman 2010-yilda yakuniga yetgan, biroq dron barqaror ishlashda davom etmoqda va shu kungacha Mars sayyorasining yangi suratlarini Yerga yubormoqda. Mutaxassislarning fikricha, zond yana bir necha yil muammosiz ishlay oladi.

• Mars
• NASA