“EkzoMars-TGO” zondi Marsdagi Mariner vodiysining markazidan ulkan muz zaxirasini topdi. Ushbu kashfiyot Rossiya va niderlandiyalik olimlarga tegishli.

“TGO zondi biz oʻtmishda topishning uddasidan chiqa olmagan, Marsdagi bir necha metrli chang va tuproq qatlami ostiga yashiringan suv zaxiralarini izlashi va oʻrganishi mumkin. Jumladan, FREND qurilmasi Mariner vodiysidagi gʻorlar tizmasida joylashgan va yuza qismining 40 foizi muz tepaliklari bilan qoplangan hududni kashf qildi”, deydi tadqiqot mualliflari.

Maʼlumot uchun, Mariner vodiysi ulkan gʻorlar tizmasi boʻlib, Mars sayyorasining janubiy yarimsharida joylashgan. Uning taxminiy uzunligi 4,5 ming kilometr, chuqurligi esa 11 kilometrni tashkil qiladi.

Muz zaxiralari “EkzoMars-TGO” zondi bortiga oʻrnatilgan FREND neytron spektrometri tomonidan aniqlangan.

• Koinot
• tadqiqot