Islom Karimovning nabirasi Maryam Tillayeva sobiq turmush oʻrtogʻi Amiran Sardorov bilan tushgan va u tomonidan tarqatib yuborilgan behayo suratga izoh berdi.

“Amerikada mening huquqlarimni himoya qiluvchi qonun bor. Men bunday suratni hech qachon joylashtirmagan boʻlardim. Bunga rozilik bermasdim. Ammo, doimiy manipulyatsiya ostidagi munosabatlarda “sevgan” insoningizni yoʻqotmaslik uchun har narsaga tayyor boʻlasiz. U esa bu oʻyinni 35 yoshida ongli ravishda oʻynadi.

Amiran menga ijtimoiy tarmoqlar shunday ishlaydi deb aytdi. Men hech narsani tushunmasdim. Bu xayp edi, bu narsada uni qoʻllab-quvvatlashim kerak boʻlardi.

Uning postidan keyin menga nisbatan nafrat kuchaydi, meni fohisha deb atashdi, oʻlim tilashdi, tahdid qilishdi. Bu rasmni Oʻzbekistonda hamma koʻrdi, uni mening qarindoshlarimga, buvilarimga koʻrsatishdi.

Bu sharmandagarchilik va tamgʻa edi, endi bu tamgʻa bilan butun umr yashashim kerak.

Bu qilmishidan keyin uni tushunmay qoldim, ammo qattiq sevardim, uni qoʻllab-quvvatladim va bu orqali oʻzimga yomon qildim.

Oilam, onam, otam, ukam, singlim, bobom, buvim va xalqimiz qarshisida uyatda edim. Menga bolalikdan sipo boʻlishni oʻrgatishdan, bu yerdan esa shunaqa vaziyat kelib chiqib turibdi...

Men Amiranni tanlashda davom etdim. Oʻshanda mening miyamga nima boʻlgandi, tushunmayman.

U mana shu posti bilan ota-onam va mening oʻzaro munosabatlarimizni butunlay buzdi. Istagan narsasiga erishdi, oilam va doʻstlarimdan uzoqlashtirdi”, deydi Maryam Tillayeva.

Bloger Amiran Sardorov bilan ajrim jarayoni hali yakuniga yetmagani, shunga qaramasdan u bilan aloqada qolishni istamasligini aytib oʻtgan.

• Shou-biznes
• mashhurlar