UFC yengil vazn toifasi jangchisi Islam Maxachevning Benil Dariushga qarshi jangi bekor qilindi. Bunga sabab Dariushning jarohat olishi sabab bo‘ldi. 

ESPN jurnalisti Brett Okamoto o‘zining Twitter sahifasida Islamning yangi raqibi nomini ma’lum qildi u amerikalik Bobbi Grin bo‘ladi. 

Qayd etilishicha, eronlik Dariush (21-4) mashg‘ulotlar vaqtida to‘pig‘idan jarohat olgan va “da’vogarlar jangida” Maxachevga qarshi oktagonga ko‘tarilish imkoniyatini qo‘ldan chiqargan. Ushbu bellashuv joriy yilning 27-fevral kuni bo‘lib o‘tishi va g‘olib chempionlik jangida ishtirok etishi kerak edi.

Qayd etish mumkin, Bobbi Grin so‘nggi jangini 13-fevral kuni o‘tkazib, Nasrat Haqparastni hakamlar qarori bilan mag‘lub etdi. U UFC’da jami 29 g‘alaba, 12 mag'lubiyat va bitta durang qayd etgan.

Maxachev esa so‘nggi bor Yangi Zelandiya vakili Den Xukerni (21-11) birinchi raunddayoq “kimura” uslubi (qo‘lni og‘ritish) bilan mag‘lubiyatga uchratgan. Maxachev uchun ushbu g‘alaba MMA’dagi 21-g‘alaba bo‘ldi. Islam faqatgina bir jangda imkoniyatni boy bergan. Den Xuker 32 ta jangda 11-mag'lubiyatga uchradi

• MMA
• UFC