Kecha, 17-avgust kuni taxminan soat 02:40 da Mirobod tumani, kichik halqa avtomobil yo‘li ko‘chasida 2002-yilda tug‘ilgan haydovchi S.A. Nexia rusumli, davlat raqam belgisi “01 G 729 GB” bo‘lgan avtomashinada harakatlanib, boshqaruvni yo‘qotgan va yo‘lni ajratib turuvchi beton to‘siqqa urilgan.

YTH natijasida avtomashina haydovchisi tan jarohatlari olib shifoxonaga yotqizilgan, biroq avtomobilda bo‘lgan yo‘lovchi, 1999-yilda tug‘ilgan E.R. olgan tan jarohatlari bilan shifoxonaga olib borilayotgan vaqtda vafot etgan.

Mazkur holat yuzasidan Toshkent shahar IIBB Tergov boshqarmasi tomonidan O‘zbekiston Respublikasi Jinoyat kodeksining 266-moddasi 2-qismi bilan jinoyat ishi qo‘zg‘atilgan. Hozirda tergov harakatlari olib borilmoqda.

• Avtohalokat
• Avtomobil