NASA quyosh tizimi va undan tashqaridagi ob’yektlar haqidagi bilimlarni kengaytirishga yordam beradigan 8 ta missiya ko‘lami kengaytirilishini e’lon qildi. 

“Mars Odyssey” (2001-yilda ishga tushirilgan) – orbital sayyora yuzasi ostidagi toshlar va muzlarning yangi termal tadqiqotlarini o‘tkazadi, shuningdek, Marsdagi boshqa tadqiqot vositalarini qo‘llab-quvvatlagan holda radiasiya darajasi va iqlimni kuzatib boradi.

MRO (“Mars Reconnaissance Orbiter”, 2005-yilda ishga tushirilgan) – Mars yuzasi evolyusiyasi, uning geologiyasi, atmosferasi va iqlimini o‘rganishni davom ettiradigan yana bir orbitaldir. U boshqa missiyalarni ham qo‘llab-quvvatlaydi.

“New Horizons” (“Yangi ufqlar”. 2006-yilda uchirilgan) – Pluton sayyorasining suratlarini ko‘rsatuvchi kosmik kema quyosh tizimining tashqi qismlarini o‘rganishda davom etadi.

LRO (“Lunar Reconnaissance Orbiter”, 2009-yilda ishga tushirilgan) – qurilma Oy yuzasi va geologiyasini o‘rganishni davom ettiradi. U qutblardan uzoqroqda joylashgan yangi hududlarni, jumladan, abadiy zulmat kraterlarini – Quyosh tomonidan hech qachon yoritilmagan, muzli suv bo‘lishi mumkin bo‘lgan joylarni misli ko‘rilmagan aniqlik bilan qo‘lga kiritishi mumkin. Qurilma yana sun’iy yo‘ldoshga qo‘nishga urinishlarda ham foydali bo‘ladi.

MSL (“Mars Sciyencye Labaratory”, 2011-yilda ishga tushirilgan) – bu “Curiosity” roveri bo‘lib, Geyl krateri bo‘ylab 27 kilometr masofani bosib o‘tgan Marsga yetkazilgan missiya. U sayyorada suv va hayot mavjudligi ehtimolini o‘rganishda davom etadi.

MAVEN (“Mars Atmosphere and Volatile Evolution”, 2014-yilda ishga tushirilgan) – Marsning atmosferasini o‘rganuvchi stansiya. Quyosh faolligi 11 yillik siklining eng yuqori nuqtasiga yaqinlashganda, MAVEN’ning keyingi tadqiqotlari atmosferaning yuqori qatlami va magnit maydonning Quyosh bilan o‘zaro ta’siri qanday ekanini tushunishga yordam beradi.

OSIRIS-APEX (Origins, Spectral Interpretation, Resource Identification, Security-Regolith Explorer, 2016-yilda ishga tushirilgan) – hozirda tadqiqot 2020 yilda to‘plangan Bennu asteroididan olingan namunalar bilan Yerga qaytmoqda. 2023 yilda yuk yetkazib berilgandan so‘ng u OSIRIS-APEX, deb nomlanadi va 2029 yilda Yer yaqinidan o‘tadigan 370 metrli Apofis asteroidini o‘rganish uchun yuboriladi.

“Insight” (Seysmik tadqiqotlar, geodeziya va issiqlik transportidan foydalangan holda ichki ma’lumotlarni o‘rganish, 2018-yilda ishga tushirilgan) Marsni o‘rganishni davom ettiradigan Yerdan tashqaridagi yagona faol seysmik stansiyadir. Stansiyadan olingan ma’lumotlar olimlarga Mars faoliyati va shakllanishi xususiyatlarini yaxshiroq tushunishga yordam beradi.

• Koinot
• NASA
• kosmos