NASA mutaxassislari Xalqaro kosmik stansiya bortida boʻlgan ikki nafar astronavtning ochiq kosmosga chiqish muddatini kechiktirishga qaror qildi. Bunga XKS tomon yaqinlashib kelayotgan kosmik chiqindi sabab boʻlgan.

“Kosmonavtlar duch kelishi mumkin boʻlgan xavfni keraklicha baholash imkoniyati yoʻq boʻlgani uchun jamoa ularning ochiq kosmosga chiqish muddatini kechiktirishga qaror qildi”, deyiladi NASAning rasmiy xabarida.

Astronavtlar Tom Marshbern va Kayla Berron stansiyaning tashqi korpusida joylashgan va ishida nosozlik kuzatilayotgan antennani almashtirish uchun ochiq kosmosga chiqishlari kerak edi.

NASA kosmik agentligi astronavtlarning ochiq kosmosga chiqishlari jarayoni toʻgʻridan-toʻgʻri translyatsiya qilinishini taʼkidlab oʻtgan.

• Koinot
• NASA
• qiziqarli
• tadqiqot