Aeronavtika va kosmik tadqiqotlar milliy boshqarmasi agentligi (NASA) va Oq uy 2021 yil oxiridan beri Xalqaro kosmik stansiya uchun favqulodda vaziyatlar rejasini ishlab chiqishni boshladi. Bu haqda anonim manbalarga tayanib, “Reuters” agentligi xabar bermoqda.

Agentlik vakili bilan suhbatlashgan mutaxassis rejada Rossiya loyihadan chiqishga qaror qilgan taqdirda XKSdan kosmonavtlarni qaytarish yo‘llari bor. Bu, shuningdek, Roskosmos uskunalarisiz stansiyani ish holatida saqlash usullari va uni kutilganidan bir necha yil oldin yo‘q qilish imkoniyatiga ham tegishli.

“Reauters” xabariga ko‘ra, NASA va Oq uy avvalroq favqulodda rejalar mavjudligini tan olgan, biroq ularning tafsilotlarini ochiq muhokama qilmagan. Agentlikning ta’kidlashicha, so‘nggi rejani ishlab chiqish AQSHning Rossiya bilan munosabatlarida keskinlik kuchaygan bir paytda boshlangan.

Qo‘shma Shtatlar Xalqaro kosmik stansiyani 2030-yilgacha ishlatishni davom ettirishni kutmoqda va bu borada muzokaralar olib bormoqda. Ularda Roskosmos va stansiyaning boshqa hamkorlari, jumladan Yaponiya, Kanada va Yevropa kosmik agentligi ishtirok etmoqda.

Shunga qaramay, NASA o‘zining favqulodda vaziyat rejasi borligini tasdiqlamadi. Shu bilan birga, agentlik doimiy ravishda XKS uchun yangi imkoniyatlar izlayotgani va past Yer orbitasidagi stansiyaga tijorat alternativlariga muammosiz o‘tishni rejalashtirayotganini ma’lum qildi. Biroq Roskosmos vakillari vaziyat yuzasidan izoh bermagan.

Iyul oyida Roskosmosning yangi rahbari Yuriy Borisov Rossiya 2024-yildan keyin XKS loyihasidan chiqishini e’lon qilgan edi. Uning so‘zlariga ko‘ra, ushbu muddatdan keyin stansiyada texnik muammolar paydo bo‘lishi mumkin, uni saqlash xarajatlari ulkan bo‘ladi. Keyinroq Roskosmos aniqlik kiritishicha, sana stansiyaning texnik holatiga qarab belgilanishi mumkin.

“Bu 2025, 2028 yoki 2030-yil bo‘lishi mumkin”, – dedi Roskosmosning boshqariladigan dasturlar bo‘yicha ijrochi direktori Sergey Krikalyov.

• Koinot
• NASA
• Roskosmos
• kosmos