Navoiy viloyatida 2,3 kg sof quyma oltinning muomalaga kiritilishining oldi olindi. Bu haqda Iqtisodiy jinoyatlarga qarshi kurashish departamenti Matbuot xizmati ma’lum qildi. 

Xabarda aytilishicha, Departament, DXX va IIBning Navoiy viloyati boshqarmalari tomonidan o‘tkazilgan tezkor tadbirda, fuqaro S.N. sof quyma oltinni o‘tkazish maqsadida navoiylik fuqarolardan quyma oltinlarni sotib olganlik holatini aniqladi.

U fuqaro R.dan 548 gramm sof qo‘yma oltinni 328,5 mln so‘mga, fuqaro B.dan 1,7 kg sof quyma oltinni 1,7 mlrd so‘mga xarid qilib, Navoiy-Samarqand yo‘nalishida “Nexia-2” rusumli avtotransport vositasida harakatlanib kelayotgan vaqtida ushlangan. Tadbir yakunida undan jami 2,3 kg sof quyma oltin parchalari ashyoviy dalil sifatida olib qo‘yilgan.

Mazkur holat yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda. 

• Jinoyat
• Navoiy
• Prokuratura