Avvalroq, Navoiy viloyatida haydovchi YPX xodimini kaltaklagani bo‘yicha xabar berilgan edi. 

Navoiy viloyatida YPX xodimining o‘z xizmat vazifasini bajarishiga qarshilik ko‘rsatib, turli uyatli so‘zlar bilan haqoratlagan fuqaro A.T. ga nisbatan Navbahor tuman prokuraturasi tomonidan O‘zbekiston Respublikasi Jinoyat Kodeksining 140-modda (haqorat qilish)si 3-qismi “a” bandi hamda 219-modda (hokimiyat vakiliga yoki fuqaroviy burchini bajarayotgan shaxsga qarshilik ko‘rsatish)si 2-qismi bilan jinoyat ishi qo‘zg‘atilgan.

Ma’lum qilinishicha, ushbu fuqaro O‘zbekiston Respublikasi Jinoyat Protsessual Kodeksining 221-moddasi tartibida qo‘lga olingan. Hozirda dastlabki tergov harakatlari olib borilmoqda, deyiladi xabarda.

• IIV
• Jinoyat
• Navoiy