Hindistonlik olimlarning aytishicha, osiyolik fillar motam tutib, o‘lik chaqaloqlarini dafn etishadi. Garchi, Hindistondagi induizim va buddizmga e’tiqod qiluvchilar jasadlarni ko‘mishmasada, fillar bu ishni amalga oshirar ekan.

Olimlar 2022-2023-yillarda Bengal shimolidagi fillar tomonidan qilingan beshta dafnni o‘rganishdi. Har bir holatda kattalar fillar chaqaloq fillar jasadini oyoqlaridan ushlab ko‘tarib yerga ko‘mgan. Yana bir holatda, jasad atrofida to‘plangan podalar baland ovozda bo‘kirib, karnay-surnay chalishgan.

Aniqlanishicha, o‘lgan va ko‘milgan filchalar o‘limga olib keladigan a’zolar yetishmovchiligidan halok bo‘lgan. Tadqiqotchilar fillar faqat bolalarini dafn etishini, chunki katta fillarning jasadlari ko‘mish uchun juda og‘irlik qilishini aniqlashdi.

Tabiatni muhofaza qilish xalqaro ittifoqi Osiyo fillarini yo‘qolib ketish xavfi ostidagi hayvonlar qatoriga kiritgan. Yovvoyi tabiatda ular 26 mingga yaqin.

• Hindiston