Andijon viloyatining Buloqboshi tumanida yangi sement zavodining ochilish marosimi bo‘lib o‘tdi. Bu haqda viloyat hokimligi matbuot xizmati ma’lum qildi.

Qayd etilishicha, zavod yiliga o‘rtacha 2,5 million tonna (kuniga 6 ming tonna) tayyor sement ishlab chiqarishga mo‘ljallangan. Loyiha qiymati 250 million dollarni tashkil etib, Xitoyning “Conch International Holdings Limited (Xitoy), “Zhejiang Shangfeng Building Materials Co” Ltd (Xitoy) kompaniyalarining to‘g‘ridan-to‘g‘ri investitsiyalari asosida amalga oshirilgan.

Shuningdek, loyihaning eksport salohiyati yiliga 10 million dollarni tashkil etadi, shuningdek, 750 ta ish o‘rni yaratilgan. Zavod uchun jami 74 gektar yer maydoni ajratilgan.

• Andijon
• zavod