2020-yilning sentyabr oyida bir guruh amerikalik olimlar Venera sayyorasining yuqori qatlamlaridan fosfin moddasini topganlarini maʼlum qilgan edilar. Ushbu modda kislorodsiz yashay oladigan ayrim mikroorganizmlar tomonidan ajratib chiqariladi. Venera atmosferasidan fosfinning topilishi haqiqiy sensatsiyaga aylangan edi.

Olimlar oʻtgan 2 yil vaqt davomida sayyoradagi bulutlar tarkibini oʻrganib chiqdilar va Venera atmosferasidagi fosfin moddasi miqdori sayyora bulutlarida mikroblar mavjud ekanligini isbotlashi mumkin boʻlgan miqdorda emasligini qayd etdilar. Shu tariqa, mutaxassislar Venerada hayot yoʻq degan fikrga kelishdi.

Yaqindagina ishga tushirilgan “Jeyms Uebb” teleskopi Venera bulutlarida haqiqatdan ham mikroblar bor yoki yoʻqligini aniqlashga yordam berishi mumkin. Ushbu qurilma spektrometrlari uzoq sayyora va yulduzlardagi molekulyar tarkibni oʻrganish imkoniyatiga ega.

• Koinot
• ilm-fan
• kosmos
• tadqiqot