Ilon Maskning X ijtimoiy tarmog‘ida yozishicha, Qozog‘iston Starlink internet tizimiga ulanib bo‘ldi.

Qozog‘iston Raqamli rivojlanish, innovatsiyalar va aerokosmik sanoat vaziri Jaslan Madiyevning ma’lum qilishicha, muzokaralardan tortib, texnik ishlar va ishga tushirishgacha bir yildan ortiqroq vaqt ketgan.

Starlink odatda 100–250 mbit/s gacha internet tezlik beradi. Qozog‘istonda abonent to‘lovi oyiga taxminan 50–60 dollar, uskunaning o‘zi esa 500 dollarga yaqin bo‘lishi kutilmoqda.

Mutaxassislar fikriga ko‘ra, oxirgi oylarda Qozog‘iston o‘zini jahon bozoriga yanada ko‘proq namoyon qilishga harakat qilib kelmoqda. Starlink loyihasiga qo‘shilish ham ana shunday intilishlarning amaliy samarasi ekanligi ta’kidlanmoqda.

• Ilon_Mask
• Internet
• Qozog‘iston
• Starlink