RIA Novosti xabariga ko‘ra, Rossiya prezidenti Vladimir Putin mamlakat yozgi va qishki Olimpiya o‘yinlarini o‘tkazishga tayyorligini ma’lum qildi. U bu haqda Rossiya Olimpiya qo‘mitasining 115 yilligi munosabati bilan yo‘llagan tabrigida so‘zlab, Rossiya kelajakda ham Olimpiya o‘yinlarini qabul qilishga ochiq ekanini ta’kidladi.

Shuningdek, Putin mamlakat Xalqaro Olimpiya qo‘mitasining asoschilaridan biri bo‘lganini eslatib, 1980-yilda Moskvada va 2014-yilda Sochida o‘tkazilgan Olimpiya o‘yinlari yuqori darajada tashkil etilganini qayd etdi.

U shuningdek, Rossiya Olimpiya qo‘mitasi sportni rivojlantirish, sportchilarni tayyorlash, sog‘lom turmush tarzini targ‘ib qilishini va xalqaro gumanitar aloqalarni mustahkamlashini ta’kidladi.

• Olimpiada
• Putin
• Qishki Olimpiada
• Rossiya