Mashhur “Oltin to‘p” sovrini topshirilishidan oldin “PSJ” bosh murabbiyi Maurisio Pochettino uning ehtimoliy favoritlari haqida gapirdi. 

Argentinalik mutaxassis RMC Sportgan intervyusida nomzod futbolchilardan birortasini ham ajratib ko‘rsatmadi. U yakuniy ro‘yxatidagi barcha shogirdlari – Lionel Messi, Kilian Mbappe, Neymar va Janluiji Donnarumma ushbu sovrinni olishga loyiq ekanini ta’kidladi.

E’tiborli tomoni, mahalliy OAV bu borada murabbiyning bir necha hafta oldin aytgan so‘zlarini esladi. O‘shanda u Messini yakunda g‘alaba qozonish uchun asosiy nomzod deb atagan edi, shundan so‘ng murabbiyda Mbappe va Neymar bilan bog‘liq yoqimsiz holat yuzaga kelgan edi. 

Futbolchilar murabbiyning o‘sha intervyusida ularning ismlarini tilga olmaganidan norozi bo‘lishgan.

• Futbol