Shou-biznesning eng mashhur juftliklaridan biri – Yigitali Mamajonov va Muqaddas Saʼdullayevaning oʻrtasiga sovuqchilik tushdi. Aktrisa turmush oʻrtogʻidan qattiq xafa ekanligi va uning otasi vafot etgandan keyin toʻrt kun oʻtmay ishga chiqib ketgani, ijtimoiy tarmoqdagi sahifasiga reklama roliklarini joylashtirayotgani tufayli eridan ranjiganini maʼlum qildi.

“Ayolning dili ogʻrisa, erkakka bir tiyin ekan. Toʻrtinchi kundan boshlandi. Bugun oʻn oltinchi kun. Bu dunyoda hech kim abadiy emas. Ota mehri yagona, qolgani yolgʻon. Baxtimga onam va farzandlarim sogʻ boʻlsin”, deb yozdi Muqaddas Saʼdullayeva oʻzining Instagram sahifasida. U turmush oʻrtogʻiga ijodda ham, sanʼatda ham omad tilagan.

“Omad. Odam oʻzining boshidan oʻtmaguncha tushunmas ekan. Sanʼatda ham, ijodda ham omad. Ota meniki boshqalarga azadorlikka ne hojat?! Oʻtganiga 4 kun boʻlmasdan shu ish afzal boʻldi. Ayol ojiza. Toʻxtatishga haqqim yoʻq”, deydi aktrisa.

Ijodkorning muxlislari Yigitali Mamajonovni marhum qaynotasiga nisbatan hurmatsizlik qilishda ayblamoqdalar.

Yigitali Mamajonov esa oʻzining Instagram sahifasida quyidagi mazmunda xabar qoldirgan.

“Instagramda birovning hayotini koʻra olmaydigan, gʻiybatchi va harom yeb shu yoshga yetganlarning fikri, shularning muhokamalari bilan yashashni istaysanmi? Bu sening tanloving. Bemalol. Qiyomatda soʻraladigan kuningni esingdan chiqarma. Instagramdagi oʻsha gʻiybatchilar bilan birga soʻralasan!”.

Eslatib oʻtamiz, aktrisa Muqaddas Saʼdullayevaning otasi, aktyor Lutfulla Saʼdullayev 10 aprel kuni ogʻir xastalikdan soʻng vafot etgan edi.

• Kino
• San’at
• Shou-biznes
• mashhurlar