Ozarbayjonning Sumgait shahridagi sport maktabida dzyudo va sambo murabbiyi, Yevropa oʻyinlari bronza medali sovrindori Mehmon Xalilov mashgʻulot vaqtida oʻzining 7 yoshli shogirdini kaltaklab, oʻldirib qoʻydi.
Mehmon Xalilov bolaga nisbatan shafqatsiz munosabatda boʻlgani kameraga tushib qolgan. U bolaning sochidan tortib, oyogʻiga tepishi natijasida bolakay oyoqda tura olmay qolgan.
Oʻsha paytda Xalilov kichik shogirdiga xavfli zarba bergan. Buning natijasida 7 yoshli bolakayning boʻyin umurtqasi singan.
Shu bilan birga, videotasvirda boshqa bolalarga ham qoʻpol munosabatdan boʻlingani aks etgan.
Sumgait shahar prokuraturasining xabar berishicha, bola darhol shifoxonaga olib borilgan. Biroq shifokorlar uning hayotini saqlab qola olishmagan.
Hozirda Mehman Xalilovga nisbatan Ozarbayjon Jinoyat kodeksining “Qasddan badanga ogʻir shikast yetkazish, ehtiyotsizlik oqibatida jabrlanuvchining oʻlimiga sabab boʻlish” moddasi boʻyicha jinoyat ishi qoʻzgʻatilgan va qoʻlga olingan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!