Britaniya media korporatsiyasining ma’lum qilishicha, Ozarbayjon hukumati BBCning mamlakatdagi faoliyatini to‘xtatishni talab qilgan.

BBC kompaniyasi Tashqi ishlar vazirligidan og‘zaki buyruq olganidan keyin Ozarbayjondagi ofisini yopish to‘g‘risidagi “qiyin qaror”ni qabul qilishga majbur bo‘lgan.

“Biz Ozarbayjon va undan tashqaridagi voqealarni tomoshabinlarimiz uchun yoritish bo‘yicha ishimizni qiyinlashtiradigan matbuot erkinligini cheklashdan chuqur afsusdamiz”, – deydi BBC vakili.

Ma’lumot o‘rnida, BBC 1994-yildan beri Ozarbayjonda ishlaydi. Media korporatsiyasi ma’lumotlariga ko‘ra, uning Ozarbayjon xizmatining haftalik qamrovi o‘rtacha 1 million kishini tashkil etgan.

• Ozarbayjon