Perudagi savdo markazida tom qulashi natijasida kamida olti kishi halok bo‘ldi, 80 dan ortiq kishi jarohat oldi. Bu haqda savdo markazining boshqaruv kompaniyasi ma’lum qildi.

Tom oziq-ovqat korti joylashgan hududga qulab tushdi. Ma’lumotlarga ko‘ra, tomda yomg‘ir suvi to‘planishi qulashga olib kelgan bo‘lishi mumkin. Shuningdek, qulash paytida oziq-ovqat kortida o‘nlab oilalar bo‘lganligi qayd etilgan.

Halokat Limadan 500 kilometr shimolda joylashgan mamlakatning uchinchi yirik shahri Trujillo shahridagi savdo majmuasida sodir bo‘ldi. Peru bosh prokuraturasi voqea sabablari va holatlarini tekshirishni boshladi.

• Halokat
• Jahon