“Yomg‘ir yog‘ayotgan, zimiston tun edi, hech narsani ko‘ra olmasdim. Bu temiryo‘l bo‘ylab o‘rnatilgan chiroqlardagi qisqa tutashuv bo‘lsa kerak deb o‘yladim.

Keyin mashinaga to‘rtta o‘q kelib tegdi. Gazni bos!.. dedim haydovchimga”, – deya suiqasd bo‘lgan kechadagi voqea tafsilotlarini so‘zlab bergan Allamjonov Financial Times nashriga.

U intervyuda o‘zining “suiqasddan omon qolganligi sababi”ni “Kalashnikov avtomati qisilib, otilmay qolgani”dan deb taxmin qilishini bildirgan.

“Bu hujumdan men shokda qoldim. Kimdir shunday ish qilishga qodir, deb o‘ylamagan edim”, – degan va huquqiy jarayonlar tufayli boshqa tafsilotlarga o‘ta olmasligini bildirgan Allamjonov Financial Times bilan suhbatda.

Shuningdek, “Allamjonovga qarshi suiqasd, qurol bilan zo‘ravonlik juda kam uchraydigan O‘zbekistonni larzaga keltirdi”, – deb yozadi nashr.

• Allamjonov
• Intervyu
• suiqasd