Germaniyada Fridrix Merz boshchiligidagi XDI/XSI konservativ bloki Bundestagga muddatidan oldin bo‘lib o‘tgan saylovlarda 28,5 foiz ovoz bilan g‘alaba qozondi.

ARD tomonidan e’lon qilingan ma’lumotlarga ko‘ra, saylovchilarning 28,5 foizi XDI/XSI blokiga, 20,8 foizi esa “Germaniya uchun muqobil” (AfD) partiyasiga ovoz bergan.  Uchinchi o‘rinni 16,4 foiz ovoz bilan Olaf Sholsning Sotsial-demokratik partiyasi egallagan.

Shuningdek, “Yashillar” 11,6 foiz va “So‘llar” ham 8,8 foiz ham Bundestagga kiradi.

ZDF telekanali ma’lumotlariga ko‘ra, Germaniya Bundestagiga saylovlarda qatnashganlar soni rekord darajada — 83 foizni tashkil etgan. Shols o‘z partiyasi GSDPning saylovlardagi mag‘lubiyatini tan olib, natijani “achchiq” deb baholadi va mas’uliyatni o‘z zimmasiga oldi.

Fridrix Mers Germaniyaning yangi hukumatini tuzish uchun mandat e’lon qildi. “Dunyo uzoq muddatli koalitsiya muzokaralarini kutmayapti”, — deya ta’kidlagan XDI/XSI blokidan kanslerlikka nomzod XDIning Berlindagi shtab-kvartirasidagi chiqishida.

• Germaniya
• Olaf Shols
• Parlament
• saylov