O‘zbekiston Respublikasi Prezidentining 2023-yil 7-iyul, PQ-216-son qaroriga asosan:

– Xalqaro qishloq xo‘jaligi universiteti huzurida Buyuk Britaniya ta’lim tizimi asosida ixtisoslashgan Xalqaro maktab tashkil etiladi. Bunda:

– Xalqaro maktabga belgilangan sinov imtihonlaridan muvaffaqiyatli o‘tgan o‘quvchilar 2023/2024-o‘quv yilidan boshlab 1-sinfdan hamda 5-sinfdan qabul qilinadi;

– Xalqaro maktabda ta’lim standarti, o‘quv reja va dasturlari Maktabgacha va maktab ta’limi vazirligi bilan kelishgan holda joriy etiladi.

Shuningdek, qaror bilan:

– Toshkent davlat agrar universitetining Samarqand filiali negizida Samarqand agroinnovatsiyalar va tadqiqotlar instituti tashkil etiladi;

– “Agrobank” ATBning agromarkazlari va fermerlar maktablari, Savdo-sanoat palatasi tizimidagi sanoat parklari va inkubatsion markazlar, Qishloq xo‘jaligida xizmatlar ko‘rsatish agentligining hududiy bo‘linmalari, o‘simliklar va veterinariya klinikalari tomonidan ko‘rsatilayotgan xizmatlarni qamrab olgan holda agroxizmatlar markazlari tuziladi.

• Qaror