Bir qator Telegram-kanallarda Moskva shahri, Bolshaya Polyanka ko‘chasi, 28-uy yaqinida, 2025-yil 31-avgust kuni Moskva shahrida yashovchi Roman ismli fuqaro bilan sodir bo‘lgan voqea haqida tarqatilgan ma’lumotlar bo‘yicha O‘zbekiston Respublikasining Rossiya Federatsiyasidagi Elchixonasi quyidagilarni ma’lum qildi:

“Qo‘yilgan postlarning fotosuratlarida ko‘rsatilgan avtotransport vositasi va huquqbuzarlar O‘zbekistonning Rossiyadagi Elchixonasiga hech qanday aloqasi yo‘q. Ushbu avtotransport diplomatik raqami boshqa mamlakatning diplomatik vakolatxonasiga tegishli.

Sodir bo‘lgan voqea uchun Elchixonaga javobgarlikni yuklashga qaratilgan har qanday urinishlar asossiz va nomaqbul deb hisoblaymiz”.

Shuningdek, O‘zbekistonning Rossiyadagi Elchixonasi jamoatchilik va ommaviy axborot vositalaridan tekshirilmagan axborotlarni tarqatmaslikni so‘ragan.

• Elchixona
• Rossiya
• fuqaro