“Hududiy elektr tarmoqlari” qarzdorligi bo‘lganlar 7 kun davomida elektr energiyasi uchun to‘lovni to‘lay olmasligi haqida ijtimoiy tarmoqlarda tarqalgan xabarlarni rad etdi.

Unda 30-oktyabrdan 5-noyabrgacha RES hisob-kitob tizimi yangi hisobga olish tizimiga o‘tish munosabati bilan texnik xizmat ko‘rsatishdan o‘tkazilishi, bu vaqt ichida elektr energiyasi uchun haq to‘lash yoki quvvatni qayta ulash imkonsiz bo‘lishi va tizim 6-noyabrgacha ishlamay qolishi aytilgan. Agar iste’molchining to‘lanmagan qarzlari bo‘lsa, elektr ta’minoti to‘xtatilishi hamda ish tugaguniga qadar tiklanmasligi ta’kidlangan edi.

“Hududiy elektr tarmoqlari” bu xabarlar mutlaqo asossiz va haqiqatga to‘g‘ri kelmasligini ma’lum qildi.

“Ayni paytda jamiyat hech qanday yangi hisobga olish tizimiga o‘tish ishlarini amalga oshirmayapti”, –deyiladi xabarda.

Shuningdek, “Hududiy elektr tarmoqlari” fuqarolardan faqat rasmiy manbalarda e’lon qilinadigan axborotlarga ishonish va tasdiqlanmagan xabarlarni tarqatmaslikni so‘ragan.

• Bayonot
• Elektr energiyasi
• “Hududiy elektr tarmoqlari”