Joriy yilning 1-2 oktyabr kunlari Toshkent shahrida ilk bora “NASA International Space Apps Challenge” xakatoni oʻtkazildi va uning gʻoliblari aniqlandi. Bu haqida “Oʻzbekkosmos” agentligi matbuot xizmati maʼlum qildi.

Musobaqa natijalariga koʻra, hakamlar hayʼati tomonidan uchta gʻolib va qoʻshimcha ravishda ikkita ragʻbatlantiruvchi sovringa ega boʻlgan jamoalar va xakatonning eng yoshi kichik boʻlgan ishtirokchilarga homiylar tomonidan sovgʻalar topshirildi.

Unga koʻra:

“Eng yaxshi ilmiy-texnik loyiha”si yoʻnalishi – “COSMOTEAM” va “Power sun limit” jamoalari;

“Eng yaxshi taʼlim loyihasi”si yoʻnalishi – “Team Zero” jamoasi;

“Yosh kosmik muhandislar”si yoʻnalishi – Aleksey Kramer, Vladimir Soy, Saiddiyor Sobirov.

Xakatonda gʻolib boʻlgan uchta jamoa “SpaceY”, “Astrea” va “AvacadOS” Oʻzbekiston nomidan NASAning xalqaro tanlovida ishtirok etish yoʻllanmasini qoʻlga kiritdilar.

Maʼlumot uchun, xalqaro tadbir “Oʻzbekkosmos” agentligi, NASA, Oʻzbekiston Yoshlar ishlari agentligi, Innovatsion rivojlanish vazirligi, “Sehriyo” xususiy taʼlim maktabi, “INNO Texnopark”, “Universal bank” va “International Digital University” hamkorligida tashkil etilgan.

• Koinot
• NASA
• O‘zbekkosmos
• ilm-fan
• kosmos