Prokuratura departamenti maʼlumotlariga koʻra, Surxondaryo viloyati boshqarmasi tomonidan DXX va IIB xodimlari bilan hamkorlikda oʻtkazilgan tezkor tadbirda fuqarolar B.K. va A.N. xorijiy davlat fuqarosi A.S.ning ishonchiga kirib, uning tanishi A.H. va oila aʼzolariga Oʻzbekiston Respublikasiga kirish vizasini tanishlari yordamida 12 000 AQSh dollari evaziga rasmiylashtirib berishni vaʼda qilganligi aniqlangan.

Firibgarlar oldindan 6 000 AQSh dollarini olishga kelishgan va jinoyat vaqtida ashyoviy dalillar bilan ushlangan.

Mazkur holat yuzasidan JKning 168-moddasi (firibgarlik) va 28, 211-moddasi (pora berish) bilan jinoyat ishi qoʻzgʻatilib, tergov harakatlari olib borilmoqda.

• DXX
• Firibgarlik
• IIB
• Prokuratura
• Surxondaryo