Avval xabar berilganidek, Moskvada Yevrosiyo ligasi doirasidan oʻrin olgan “Maxima Masters Eurasia Team Competition” musobaqasida oʻzbekistonlik chavandozlar yana bir gʻalabaga erishdilar.

6 yoshgacha boʻlgan otlar bellashuvida (120 sm) Xurshidbek Alimjonov “Lastij shok” tulporida oltin medal, ayni shu dasturda “Klass X” oti bilan ishtirok etgan Aʼzam Tolibboyev esa kumush medalga ega chiqdi.

Shuningdek, Bahromjon Gaziyev 125 sm balandlikdagi toʻsiqlardan oʻtish dasturida “Ledi” tulporida oltin medaliga ega chiqdi.

Qayd etish mumkin, Turnirning jamoaviy bahslari Millatlar ligasiga oʻxshash tarzda tashkil etilgan boʻlib, avvalgi bosqichlar aprel oyida Toshkent shahrida, may oyida esa Bishkek shahrida oʻtkazilgan va ularning har ikkisida ham Oʻzbekiston vakillari gʻoliblikni qoʻlga kiritishgan.

Maʼlumot uchun, keyingi bosqich oktyabr oyida Moskva yaqinidagi “Maxima Park” ot sporti majmuasida boʻlib oʻtadi.

• Moskva
• Ot sporti
• O‘zbekiston