O‘zbekistonning tashqi qarzi 30-sentyabr holatiga ko‘ra 60,2 milliard dollarni tashkil qildi. Bu Markaziy bankning to‘qqiz oylik yakunlari bo‘yicha to‘lov balansi, xalqaro investitsiya pozitsiyasi va mamlakat tashqi qarzi to‘g‘risidagi ma’lumotlaridan kelib chiqdi.

Tashqi qarz davlat va xususiy qarzlardan iborat. Ta’kidlash joizki, “xususiy” sektor asosan davlat ulushiga ega bo‘lgan kompaniyalar va banklar tomonidan ifodalanadi.

Davlat tashqi qarzi qariyb 32,5 milliard dollarni, korporativ (xususiy) qarz – 27,7 milliard dollarni tashkil etadi.

Yil boshidan buyon tashqi qarzning umumiy hajmi 7,2 milliard dollarga oshdi. 2023-yil oxirida bu ko‘rsatkich 53 milliard dollarni, jumladan, davlat qarzi 29,7 milliard dollarni va xususiy qarz 23,3 milliard dollarni tashkil etgan edi.

• O‘zbekiston
• Tashqi qarz